SOS Fshatrat e Fëmijëve Shqipëri është një organizatë që ekziston falë donacioneve. Së bashku mund ta bëjmë shoqërinë ku jetojmë më të bukur duke mbështetur fëmijët pa kujdes prindëror. Donacionet në para do të shpenzohen për të siguruar ushqime, veshje, produkte higjienike, materiale edukative, si edhe për të mbuluar shpenzimet mjekësore. Por më e rëndësishmja, këta fëmijë dhe të rinj do të kenë dashurinë, sigurinë dhe ngrohtësinë e familjes SOS.

Ju lutemi plotësoni fushat e poshtë-shënuara, ose na telefononi dhe ne do t’ju dërgojmë një mandat-pagese.

Ju mund të na mbështesni edhe me donacione në produkte, si artikuj ushqimorë, veshje, materiale shkollore, lodra, pajisje elektro-shtëpiake, mobilje etj.

Nëse vendosni të na mbështesni në misionin tonë, për të siguruar “një shtëpi të dashur për çdo fëmijë”, ju lutem sillini donacionet tuaja në ambjentet e SOS Fshatit të Fëmijëve Tiranë, me adresë “Rruga Hermann Gmeiner, nr. 5, Sauk”, ose telefononi në numrin +355 68 904 4676 për më shumë informacione.

SOS Fshatrat e Fëmijëve Shqipëri i ofron kompanisë suaj mundësi të ndryshme për t’u përfshirë dhe për të kontribuar në të ardhmen e fëmijëve dhe të rinjve në nevojë. Së bashku, ne mund t’iu japim fëmijëve dhe të rinjve të pafavorizuar kushte më të mira për krijimin e një jete të pavarur, si edhe mund të mbështesim në mënyrë të qëndrueshme familjet në nevojë.

Secili donator, pavarësisht shumës së dhuruar, e bën misionin tonë të qëndrueshëm dhe afatgjatë. Duke ofruar mbështetje financiare, kompanitë tona partnere mbulojnë një pjesë të kostove vjetore të programeve të SOS Fshatrat e Fëmijëve Shqipëri. Në varësi të mundësive dhe dëshirave tuaja, ju mund të ofroni:

• Mbështetje ushqimore për familjet SOS
• Mbështetje edukative
• Mbështetje psiko-sociale
• Mbështetje shëndetësore
• Mbështetje për fuqizimin ekonomik të të rinjve
• Mbështetje për zhvillimin e talenteve

Përveç familjeve SOS, ju mund të mbështesni gjithashtu familjet e komunitetit në nevojë, përmes Projektit të Fuqizimit të Familjes, duke ofruar:

• Mbështetje për forcimin e kapaciteteve prindërore
• Kostot e shërbimeve për psikologët, punonjësit socialë, edukatorët
• Mbështetje nëpërmjet materialeve shkollore, veshje për fëmijë dhe të rritur, ushqime, mjekime, pajisje ortopedike, produkte të ushtrimit të profesioneve, si parukeri, mekanik, hidraulik etj.

Përpos mbështetjes financiare, ju mund të na mbështesni gjithashtu me produkte dhe shërbime.

• Krevat për fëmijë, çarçafë, jastëkë, jorganë
• Mobilje dhe pajisje elektro-shtëpiake
• Produkte të higjienës
• Produkte ushqimore
• Veshje për fëmijë
• Materiale edukative

• Lyerja dhe mirëmbajtja e shtëpive SOS dhe ambjenteve të jashtme
• Psikoterapi, logopedi, kurse të gjuhëve të huaja, kurse jashtëshkollore
• Tarifat shkollore për të rinjtë

Aktivitetet e CRM (Cause Related Marketing) janë një mjet i fuqishëm për promovimin e shitjeve dhe për t’u diferencuar nga konkurrentët në treg, por gjithashtu përbëjnë një mënyrë ideale që kompania të mbështesë komunitetin në të cilin operon.

Për këtë lloj bashkëpunimi, SOS Fshatrat e Fëmijëve Shqipëri, në bazë të një kontrate të nënshkruar për një periudhë të përcaktuar, i jep kompanisë të drejtën që të përdorë logon e saj dhe mesazhet e partneritetit. Kompanitë ofrojnë një pjesë të të ardhurave të tyre për një, ose më shumë produkte.

Me blerjen e kartolinave të fundvitit, të realizuara me shumë krijimtari dhe dashuri nga vetë fëmijët e Fshatit SOS, ju mund të na mbështesni në realizimin e misionit tonë, për të dhuruar një shtëpi të dashur për çdo fëmijë. Për më shumë informacione, ju lutem na kontaktoni në numrin +355 68 904 4676 , ose duke nisur një email në info@soskd.org.al