Përgjegjëshmëria dhe transparenca janë pjesë themelore e organizatës sonë, duke përcaktuar “Kush jemi ne”. Pa përgjegjshmëri, në kombinim me praktikat e mira të menaxhimit, ne nuk mund të maksimizojmë ndikimin e punës sonë me fëmijët, të krijojmë besim me donatorët, madje edhe të plotësojmë kërkesat tona ligjore. Në organizatën tonë, transparenca dhe përgjegjshmëria theksojnë gjithçka që ne bëjmë. Ne i jemi përkushtuar përdorimit të brendshëm të të gjitha fondeve dhe burimeve tona, duke siguruar që ato të përdoren në përputhje me buxhetet e aprovuara për programet dhe projektet tona.
SOS Fshatrat e Fëmijëve Shqipëri është anëtare e një Organizatës SOS Kinderdorf International, e pranishme në më shumë se 136 vende të botës dhe që përcakton kornizën e politikave për të gjitha shoqatat anëtare.
Statutet ndërkombëtare ofrojnë kornizën për këto politika, duke kërkuar nga të gjitha shoqatat anëtare që të respektojnë manualet e politikave dhe standardet e cilësisë.
Të gjitha transaksionet financiare regjistrohen në përputhje me parimet e përgjithshme të kontabilitetit dhe ligjet kombëtare. Të dhëna të tilla të kontabilitetit pasqyrojnë përdorimin efikas të fondeve në mënyrë transparente dhe gjithëpërfshirëse. Të dhënat e kontabilitetit, përfshirë pasqyrat financiare periodike, përdoren për auditimet e brendshme, auditimet e jashtme dhe kontrollet shtesë.
Informacioni dhe proceset financiare monitorohen për të parandaluar parregullsi, mashtrime, neglizhencë ose gabime të rënda. Kontrolle të rregullta të të dhënave të kontabilitetit dhe proceseve financiare gjatë vitit sigurojnë që parimet e përgjithshme të kontabilitetit të miratohen dhe respektohen, si edhe që të dhënat janë të sakta. Aktivitetet e kontrollit kryhen në të gjitha nivelet dhe në të gjitha funksionet e organizatës. Ato përbëhen nga politika dhe procedura që ndihmojnë për t’u siguruar që direktivat e menaxhimit janë realizuar. Përgjegjësitë e secilit bashkëpunëtor janë të përcaktuara qartë dhe detyrat financiare janë të ndara.
Organizata jonë jonë ka hartuar procedura me shkrim që përshkruajnë linjat e autoritetit dhe përgjegjësitë e punonjësve në lidhje me financat. Aktivitete kontrolli duhet të kryhen nga punonjësit për të siguruar që rreziqet të reduktohen në nivele të pranueshme.
Në përputhje me Statutet Ndërkombëtare të SOS Fshatrat e Fëmijëve dhe në përputhje me kërkesat ligjore, organizata jonë është e detyruar të kryejë një audit vjetor financiar të jashtëm, të kryer nga një kompani e pavarur dhe e njohur auditimi, çdo vit. Auditimi siguron një pamje të jashtme profesionale dhe të pavarur të sistemit financiar, saktësinë e rezultateve financiare dhe pajtueshmërinë me rregullat organizative dhe standardet dhe ligjet e zbatueshme të kontabilitetit. Kjo është thelbësore për të ruajtur mirëbesimin dhe besimin e të gjithë aktorëve të brendshëm dhe të jashtëm.
Auditori emërohet nga Asambleja e Përgjithshme e organizatës. Opinioni i auditorit dhe letra e menaxhimit konsiderohen nga Bordi Drejtues, i cili aprovon pasqyrat vjetore financiare të audituara.
Në vitin 1999 u vendosa në SOS Fshati i Fëmijëve Tiranë pasi familja ime u nda. Isha e frikësuar, e hutuar, por edhe pak kurioze. “Cfarë është ky vend?” mendova. “Mirë se erdhe në familje”, ishte fraza e parë që më tha nëna SOS. Mësova shpejt se quhet familje për një arsye. Personi më i rëndësishëm për ne në të ishte nëna. Përpjekjet e saj për t’u kujdesur për ne e bënin atë më të rëndësishmen në sytë tanë. Edhe pse nuk ishim vëllezër e motra nga gjaku, u bëmë më shumë se kaq. Ndonëse isha vetëm 10 vjeç, jeta ime në SOS Fshatin e Fëmijëve Tiranë u ndje si një fillim i ri. Mësova të jetoj ngrohtësisht me njerëz që nuk i njihja apo prisja t’i takoja gjatë jetës sime.
Ndërsa maturohemi, kuptojmë se lumturia mund të gjendet edhe në mes të historive të trishta. Gjatë kohës sime në fshat, kam krijuar një vlerësim të ri për dashurinë që vjen nga të pasurit vëllezër e motra. Sara* dhe Ani* u bënë motrat e mia të familjes dhe së bashku ne ndamë të gjitha problemet dhe aspiratat tona. Luajtëm, qeshëm, madje derdhëm edhe lot bashkë. Dorë për dore, ne u rritëm përkrah njëri-tjetrës dhe krijuam kujtime të panumërta. E në fund të fundit a nuk është kjo cka përfaqëson një moter, dashuri dhe të plot kujtime fëmijërie sëbashku.
Në fshat zbulova dashurinë për sportin dhe aspirova të bëhesha versioni më i mirë i vetes. Me punë te palodhur dhe mbështetjen e atyre që besuan tek unë, ia dola. Unë arrita të diplomohem në Universitetin e Sporteve. Sot, jam krenare jo vetëm për arritjet e mia, por edhe për lumturinë që i solla familjes dhe mbështetësve të mi.
Jeta ime ka qenë një udhëtim i veçantë. Unë kam pasur rastin të rritem në një mjedis të ndryshëm nga shumica e moshatarëve të mi, por në një mënyrë shumë të bukur.
Si nënë e dy fëmijëve, tani e kuptoj rëndësinë e dashurisë, strehimit dhe familjes. Sot, mund ta kuptoj se sa shumë përmbushje shpirtërore kam marrë aty ku jam rritur.
Ndonjëherë më duket sikur jam pjesë e një historie të shkruar në një libër ku vetëm imagjinata ime mund t’i japë jetë fjalëve. Motra ime Sara* më thotë se jam shumë poetike, por mua më pëlqen. Unë dua ta shoh jetën në këtë mënyrë, të hapur për të pranuar surprizat e ardhshme që mund të më sjellë jeta.
*Keni parasysh se për arsye të privatësisë dhe mbrojtjes së fëmijëve, ne kemi ndryshuar emrat origjinalë të fëmijëve.”
Gjatë një seance trajnimi pas një viti mbështetjeje, Fredi tha:
“Unë nuk pi alkool, nuk pi duhan, punoj shumë, e dua familjen time dhe kujdesem për fëmijët, gruan dhe nënën time. Të gjithë përballemi me sfida në periudha të ndryshme të jetës, por disa sfida qëllojnë të jenë më të vështira se ca të tjera. Situata ime më ka mësuar se duhet të jemi më pak gjykues dhe më shumë mbështetës ndaj atyre që po kalojnë periudha të vështira. Përmes përvojave të mia, kam kuptuar se edhe veprimet e thjeshta të mirësisë mund të kenë një ndikim të rëndësishëm tek ata që po përballen me sfida të ndryshme në jetën e tyre.”
Ne në SOS Fshatrat e Fëmijëve punojmë së bashku me partnerë, donatorë, komunitete, bashki lokale t’u mundësojmë fëmijëve të rriten me ato mardhwnie që u nevojiten për t’u zhvilluar dhe për t’u bërë vetja e tyre më e fortë. Ne u mundësojmë familjeve të gjejnë mënyra më të mira për të qenë pranë njëri-tjetrit.
*Keni parasysh se për arsye të privatësisë dhe mbrojtjes së fëmijëve, ne kemi ndryshuar emrat origjinalë të fëmijëve.”
