Objektivat e Zhvillimit të Qëndrueshëm

Në Shtator 2015, liderat e 193 vendeve u angazhuan në një plan veprimi 15-vjeçar që synon përmirësimin e jetës së njerëzve, mbrojtjen e planetit dhe ndërtimin e prosperitetit. Axhenda 2030 për Zhvillim të Qëndrueshëm përfshin 17 objektiva për t’i dhënë fund varfërisë, për të luftuar pabarazinë dhe padrejtësinë, për të garantuar akses në arsim cilësor dhe punë të denjë si dhe për të trajtuar ndryshimet klimatike.

Në kuadër të Objektivave të Zhvillimit të Qëndrueshëm, pesë objektiva kanë ndikim të drejtpërdrejtë tek SOS Fshatrat e Fëmijëve dhe do të formësojnë punën tonë për vitet në vazhdim:

“Qëllimet e Zhvillimit të Qëndrueshëm” janë zbatuar që nga janari 2016. Së bashku, ne mund të ndihmojmë të bëjmë përparim të prekshëm drejt këtyre qëllimeve dhe ta bëjmë botën më të mirë dhe më të sigurt për fëmijët!

1

Pa
varfëri

4

Arsim
cilësor

8

Punë dinjitoze
dhe rritje ekonomike

10

Zvogëlim i
pabarazive

1

Paqe dhe drejtësi. Institucione të forta

1

Pa
varfëri

Objektivi 1: Pa varfëri

Zhdukja e varfërisë në të gjitha format e saj në gjithë botën. Ky është objektivi kryesor i planit të veprimit. Në këtë mënyrë sigurojmë që asnjë fëmijë të mos rritet në varfëri.

Varfëria është shkaku kryesor i ndarjes së familjeve dhe braktisjes së fëmijëve në vendin tonë. Ky objektiv është në zemrën e punës së SOS Fshtarat e Fëmijëve në Shqipëri. Ne punojmë pa ndalim që të ndihmojmë familjet dhe komunitetet të shkëpusin ciklin e varfërisë. Përvetësimi i aftësive, arsimimi dhe formimi profesional janë pjesë integrale e programeve tona për forcimin e familjes.

4

Arsim
cilësor

Objektivi 4 – Arsim cilësor

Është jashtëzakonisht e rëndësishme të sigurohet që çdo fëmijë dhe i ri të ketë akses në arsim cilësor, pavarësisht prejardhjes së tyre, jo vetëm për veten e tyre, por edhe për shoqërinë përreth.

Çdo fëmijë apo i ri i mbështetur nga SOS Fshatrat e Fëmijëve në Shqipëri ka akses në arsim cilësor, që nga çerdhet deri në pranimin në universitet

8

Punë dinjitoze
dhe rritje ekonomike

Objektivi 8 – Punë dinjitoze dhe rritje ekonomike

Çdo i ri duhet të ketë mundësinë për të gjetur një punë të denjë për të qenë në gjendje të mbajë veten dhe të jetojë i pavarur, me dinjitet.

SOS Fshatrat e Fëmijëve mbështesin të rinjtë pa mbështetje për të zhvilluar aftësitë nevojshme për t’u bërë të rritur të pavarur dhe të punësueshëm. Ne gjithashtu ndihmojmë prindërit e familjeve në nevojë përmes formimit profesional për t’u mundësuar atyre të kenë të ardhura të mjaftueshme për të mbajtur familjet e tyre të bashkuara dhe për të siguruar një të ardhme më të mirë për fëmijët e tyre.

10

Zvogëlim i
pabarazive

Objektivi10 – Zvogëlim i pabarazive

Ky objektiv mbështetet në pohimin se askush, përfshirë fëmijët, nuk duhet të vuajë nga diskriminimi ose t’i mohohet qasja e barabartë drejt mundësive në bazë të racës, gjinisë, fesë, aftësisë së kufizuar, kulturës ose origjinës së tyre familjare.

SOS Fshatrat e Fëmijëve Shqipëri advokon për ligje dhe praktika të cilat garantojnë garantojnë akses të barabartë në mundësi, përfshirje sociale dhe mosdiskriminim për fëmijët dhe të rinjtë që kanë humbur prindërit ose vijnë nga familje të varfra ose të margjinalizuara.

16

Paqe dhe drejtësi. Institucione të forta

Objektivi 16 – Paqe dhe drejtësi. Institucione të forta

Nëpërmjet këtij objektivi, ne mund të sigurojmë që asnjë fëmijë të mos jetë viktimë e dhunës, abuzimit, shfrytëzimit apo neglizhimit. Shumica e fëmijëve dhe të rinjve që mirëpresim në Fshatrat tanë të Fëmijëve SOS në Shqipëri na u besuan sepse kishin pësuar abuzime në një formë ose në një tjetër (fizike, seksuale, psikologjike, neglizhencë, etj. SOS Fshatrat e Fëmijëve Shqipëri punon të s mbrojë të gjithë fëmijët dhe ne jemi të përkushtuar të sigurojmë standardet më të larta të kujdesit në programet tona

“Objektivat e Zhvillimit të Qëndrueshëm” janë zbatuar që prej Janarit 2016. Së bashku, ne mund të ndihmojmë të arrijmë përparim të prekshëm drejt përmbushjes së këtyre objektivave dhe ta bëjmë botën më të mirë dhe më të sigurt për fëmijët!