Politika e Privatësisë - SOS Fshatrat e Fëmijëve Shqipëri

Politika e Privatësisë dhe Mbrojtjes së të Dhënave Personale

1. Qëllimi i këtij njoftimi

Kjo Politikë e Privatësisë shpjegon mënyrën se si SOS Fshatrat e Fëmijëve Shqipëri mbledh, përdor, ruan dhe mbron të dhënat personale të individëve që vizitojnë faqen tonë zyrtare të internetit, komunikojnë me ne ose bashkëpunojnë në aktivitete, programe, rekrutim apo donacione.

Ky njoftim zbatohet për:

Vizitorët e faqes së internetit;
Kandidatët për punë dhe praktikë;
Stafin dhe bashkëpunëtorët;
Donatorët, partnerët dhe palët e interesuara;
Përfituesit e programeve tona, për aq sa lejohet nga ligji dhe politikat e mbrojtjes së fëmijëve.

2. Baza ligjore

Ne përpunojmë të dhëna personale në përputhje me:

Ligjin nr. 9887, datë 10.03.2008 “Për mbrojtjen e të dhënave personale”, i ndryshuar;
Legjislacionin shqiptar në fuqi;
Standardet e SOS Children’s Villages International;
Politikat e mbrojtjes së fëmijëve (Child Safeguarding);
Kodin e Sjelljes.

3. Ne si kontrollues të të dhënave

SOS Fshatrat e Fëmijëve Shqipëri vepron si Kontrollues i të Dhënave Personale për informacionin e mbledhur përmes kësaj faqeje dhe proceseve të lidhura me të. Ne sigurohemi që të dhënat përpunohen në mënyrë të ligjshme, të drejtë dhe transparente.

4. Mbledhja dhe përdorimi i të dhënave personale

Të dhënat personale mund të përdoren për:

Komunikim me vizitorët, aplikantët dhe palët e interesuara;
Administrimin e aplikimeve për punë dhe proceseve të rekrutimit;
Menaxhimin e donacioneve dhe bashkëpunimeve;
Përmbushjen e detyrimeve ligjore dhe raportimeve statistikore;
Organizimin dhe zbatimen e programeve sociale dhe aktiviteteve;
Qëllime analitike dhe përmirësim shërbimesh (pa identifikim të individëve).

Ne sigurojmë që të dhënat nuk përdoren për qëllime të tjera të papajtueshme me qëllimin e mbledhjes dhe nuk përdoren për vendimmarrje automatike që prodhon efekte ligjore për individët.

5. Kategoritë e të dhënave personale

Ne mund të përpunojmë:

Të dhëna identifikuese dhe kontakti;
Të dhëna profesionale (CV, eksperiencë, referenca);
Të dhëna teknike nga faqja e internetit (IP, cookies, aktivitet);
Të dhëna financiare për donacione;
Të dhëna sensitive vetëm kur kërkohet nga ligji dhe me masa të shtuara sigurie.

6. Ruajtja dhe siguria e të dhënave

Të dhënat ruhen për aq kohë sa është e nevojshme për qëllimet për të cilat janë mbledhur ose sipas detyrimeve ligjore në fuqi, pas së cilës fshihen ose anonimizohen në mënyrë të sigurt.

7. Ndarja e të dhënave

Të dhënat mund të ndahen vetëm kur është e nevojshme me:

Autoritetet publike kur kërkohet nga ligji;
Strukturat e SOS Children’s Villages International;
Këshilltarë ligjorë, auditorë ose financiarë të autorizuar.

Të gjitha palët e treta janë të detyruara të ruajnë konfidencialitetin dhe sigurinë e të dhënave.

8. Të drejtat tuaja

Çdo individ ka të drejtë të:

Kërkojë akses në të dhënat personale;
Kërkojë korrigjim ose përditësim;
Kërkojë fshirje kur është e zbatueshme;
Kundërshtojë përpunimin në raste të caktuara;
Tërheqë pëlqimin (kur përpunimi bazohet në pëlqim);
Kërkojë kufizim të përpunimit;
Paraqesë ankesë pranë Komisionerit për të Drejtën e Informimit dhe Mbrojtjen e të Dhënave Personale.

9. Privatësia e fëmijëve

Mbrojtja e fëmijëve është prioritet kryesor.

Të dhënat e fëmijëve përpunohen vetëm kur është e nevojshme për shërbimet tona gjithmonë me masa të shtuara mbrojtjeje dhe në përputhje me politikat e safeguarding.

Publikimi i materialeve që lidhen me fëmijët bëhet vetëm me autorizim dhe në përputhje me standardet e mbrojtjes së privatësisë.