SOS Fshatrat e Fëmijëve Shqipëri është një organizatë joqeveritare, jopolitike dhe jofitimprurëse dhe një anëtare aktive e organizatës ndërkombëtare ombrellë SOS KINDERDORF (SOS Fshatrat e Fëmijëve).
Si anëtarë të federatës, shoqata SOS Fshatrat e Fëmijëve Shqipëri është e përkushtuar të zbatojë statutet e federatës, standardet për kujdesin cilësor të fëmijëve dhe praktikat e rrepta financiare dhe administrative.
Drejtori Nacional i SOS Fshatrat e Fëmijëve, Shqipëri.
Që nga viti 1995, SOS Fshatrat e Fëmijëve Shqipëri ka ofruar një familje dhe një mjedis të shëndetshëm për zhvillimin dhe rritjen e fëmijëve të privuar nga kujdesi prindëror ose në rrezik për të humbur mbrojtjen e prindërve të tyre. Shoqata ofron kujdes e mbështetje dhe mbron në mënyrë aktive të drejtat e fëmijëve dhe të rinjve.
SOS Fshatrat e Fëmijëve Shqipëri është përkushtuar të sigurojë që të gjithë fëmijët në nevojë të kenë kujdes cilësor, si të drejtën e tyre themelore. Falë mbështetjes së partnerëve, kompanive dhe individëve ndërkombëtarë dhe vendas që angazhohen në misionin tonë, ne realizojmë premtimin që çdo fëmijë të rritet në një familje të qëndrueshme dhe të dashur si pjesë e një komuniteti që e mbështet atë . Ne besojmë se asnjë fëmijë nuk duhet të rritet vetëm dhe se çdo fëmijë duhet të jetojë në një familje të qëndrueshme dhe të kujdesshme si pjesë e një komuniteti mbështetës. Kjo u jep atyre një mundësi për të qenë thjesht një fëmijë.
Kur fëmijët rriten të vetëm, pa dashurinë dhe mbështetjen e një prindi ose një kujdestari tjetër të qëndrueshëm, ata përballen me një rrezik më të madh diskriminimi, neglizhimi, abuzimi dhe braktisje. Ata kanë më shumë gjasa të privohen nga mundësitë për të mësuar dhe zhvilluar aftësitë e jetës, dhe kështu ata e kanë më të vështirë të bëhen anëtarë kontribues të shoqërisë.
Fëmijët që rriten në një familje të qëndrueshme në një komunitet mbështetës kanë një shans më të madh për të realizuar potencialin e tyre të plotë dhe për të bërë një jetë të pavarur. Ata zhvillojnë më mirë aftësitë themelore të jetës si komunikimi, bashkëpunimi, zgjidhja e problemeve dhe vendosja e qëllimeve personale. Ata gjithashtu ndërtojnë vetëbesim dhe vendosmëri. Kujdestarët e tyre sigurojnë që ata të ndjekin shkollën dhe të kenë akses në shërbimet përkatëse të kujdesit shëndetësor. Fëmijët janë gjithashtu më të aftë të zhvillojnë rrjetet sociale, të cilat mund të jenë një burim mbështetje në jetën e përditshme. Në fund të fundit, ata mund të kenë marrëdhënie të shëndetshme, të gjejnë punë të denjë dhe të transformojnë komunitetet e tyre.
SOS Fshatrat e Fëmijëve Shqipëri jep përgjigje konkrete nëpërmjet parandalimit, mbrojtjes, avokatisë dhe ruajtjes.
Në vitin 1999 u vendosa në SOS Fshati i Fëmijëve Tiranë pasi familja ime u nda. Isha e frikësuar, e hutuar, por edhe pak kurioze. “Cfarë është ky vend?” mendova. “Mirë se erdhe në familje”, ishte fraza e parë që më tha nëna SOS. Mësova shpejt se quhet familje për një arsye. Personi më i rëndësishëm për ne në të ishte nëna. Përpjekjet e saj për t’u kujdesur për ne e bënin atë më të rëndësishmen në sytë tanë. Edhe pse nuk ishim vëllezër e motra nga gjaku, u bëmë më shumë se kaq. Ndonëse isha vetëm 10 vjeç, jeta ime në SOS Fshatin e Fëmijëve Tiranë u ndje si një fillim i ri. Mësova të jetoj ngrohtësisht me njerëz që nuk i njihja apo prisja t’i takoja gjatë jetës sime.
Ndërsa maturohemi, kuptojmë se lumturia mund të gjendet edhe në mes të historive të trishta. Gjatë kohës sime në fshat, kam krijuar një vlerësim të ri për dashurinë që vjen nga të pasurit vëllezër e motra. Sara* dhe Ani* u bënë motrat e mia të familjes dhe së bashku ne ndamë të gjitha problemet dhe aspiratat tona. Luajtëm, qeshëm, madje derdhëm edhe lot bashkë. Dorë për dore, ne u rritëm përkrah njëri-tjetrës dhe krijuam kujtime të panumërta. E në fund të fundit a nuk është kjo cka përfaqëson një moter, dashuri dhe të plot kujtime fëmijërie sëbashku.
Në fshat zbulova dashurinë për sportin dhe aspirova të bëhesha versioni më i mirë i vetes. Me punë te palodhur dhe mbështetjen e atyre që besuan tek unë, ia dola. Unë arrita të diplomohem në Universitetin e Sporteve. Sot, jam krenare jo vetëm për arritjet e mia, por edhe për lumturinë që i solla familjes dhe mbështetësve të mi.
Jeta ime ka qenë një udhëtim i veçantë. Unë kam pasur rastin të rritem në një mjedis të ndryshëm nga shumica e moshatarëve të mi, por në një mënyrë shumë të bukur.
Si nënë e dy fëmijëve, tani e kuptoj rëndësinë e dashurisë, strehimit dhe familjes. Sot, mund ta kuptoj se sa shumë përmbushje shpirtërore kam marrë aty ku jam rritur.
Ndonjëherë më duket sikur jam pjesë e një historie të shkruar në një libër ku vetëm imagjinata ime mund t’i japë jetë fjalëve. Motra ime Sara* më thotë se jam shumë poetike, por mua më pëlqen. Unë dua ta shoh jetën në këtë mënyrë, të hapur për të pranuar surprizat e ardhshme që mund të më sjellë jeta.
*Keni parasysh se për arsye të privatësisë dhe mbrojtjes së fëmijëve, ne kemi ndryshuar emrat origjinalë të fëmijëve.”
Gjatë një seance trajnimi pas një viti mbështetjeje, Fredi tha:
“Unë nuk pi alkool, nuk pi duhan, punoj shumë, e dua familjen time dhe kujdesem për fëmijët, gruan dhe nënën time. Të gjithë përballemi me sfida në periudha të ndryshme të jetës, por disa sfida qëllojnë të jenë më të vështira se ca të tjera. Situata ime më ka mësuar se duhet të jemi më pak gjykues dhe më shumë mbështetës ndaj atyre që po kalojnë periudha të vështira. Përmes përvojave të mia, kam kuptuar se edhe veprimet e thjeshta të mirësisë mund të kenë një ndikim të rëndësishëm tek ata që po përballen me sfida të ndryshme në jetën e tyre.”
Ne në SOS Fshatrat e Fëmijëve punojmë së bashku me partnerë, donatorë, komunitete, bashki lokale t’u mundësojmë fëmijëve të rriten me ato mardhwnie që u nevojiten për t’u zhvilluar dhe për t’u bërë vetja e tyre më e fortë. Ne u mundësojmë familjeve të gjejnë mënyra më të mira për të qenë pranë njëri-tjetrit.
*Keni parasysh se për arsye të privatësisë dhe mbrojtjes së fëmijëve, ne kemi ndryshuar emrat origjinalë të fëmijëve.”
