Emi* së bashku me vëllezërit e saj ju bashkuan fshatit kur ajo ishte vetëm tre vjeç. Të gjitha kujtimet e saj lidhen me jetën dhe familjen në fshatin SOS. “Tezja ime është e vetmja nënë që njoh,” thotë ajo duke ju referuar kujdesdhënëses. Në familjen e saj të re Emi* përveç personit të kujdesit dhe vëllezërve të saj biologjik njohu dhe shumë fëmijë të tjerë. Gjatë kohës që rriten së bashku edhe ata zënë vënd si motra dhe vëllëzer në jetën e njëri tjetrit.
Familja e saj është e përbërë nga 7 anëtarë. “Mëngjeset janë gjithmonë të zhurmshëm sidomos në kohën e shkollës. Ne vrapojmë për tu bërë gati për shkollë, tezja na përgatit mëngjesin dhe ndihmon më të vegjëlit, e pasi ushqehemi dalim pastaj me nxitim drejt shkollës,” tregon Emi*. Pasditet janë për argëtim dhe studim. Emi* dhe fëmijët e tjerë të familjes marrin mbështetje edukative sipas vështirësive që ndeshin. Për argëtimin ata janë të përfshirë në klube të ndryshme të organizuara brenda dhe jashtë fshatit. Këto klube dhe klasa përpos argëtimit të fëmijëve, kanë për qëllim të krijojnë një mjedis të përshtatshëm dhe mbështetës për zhvillimin e talenteve dhe pasioneve të femijëve, duke i përgatitur ata për një të ardhme të suksesshme dhe të lumtur. E ndërsa mbrëmjet janë momentet për t’i kaluar me lojra familjare, duke biseduar me njëri tjetrin, apo duke parë në television emisionet e preferuara të gjithë sëbashku në ambjentin e ndenjes së shtëpisë.
Në fundjavë, ashtu si familjet e tjera të fshatit, familja e Emit* organizon aktivitete të ndryshme në natyrë dhe jo vetëm. Koha e shpenzuar në familje është shumë e rëndësishme për fëmijët për të ndërtuar ndjesinë e përkatësise dhe lidhjes me anëtarët e tjerë të familjes. “Më pëlqejnë vizitat në teatër apo kinema. Gjithashtu kënaqëm kur ne bëjmë piknik tek kodrat e liqenit,” thotë Emi*.
Edhe pse Emi, si shumë fëmijë të tjerë kanë gjetur një shtëpi dhe familje në fshatin SOS. Punonjësit sociale punojnë shumë me fëmijët dhe familjarët e tyre biologjik për të mbajtur lidhjet duke vlerësuar gjithmonë interesin më të lartë të fëmijës, lidhjet e gjakut dhe atë cka e bën të lumtur fëmijën.
Një familje e fortë dhe e përkrahur është thelbësore për zhvillimin dhe mirëqenien e fëmijëve. Një familje ku ofrohet dashuri, mbështetje dhe udhëheqje e mjaftueshme për të rritur fëmijë të sigurt dhe të lumtur. Vizioni ynë është që asnjë fëmijë mos të rritet vetëm!
