SOS Fshatrat e Fëmijëve Shqipëri është në vitin e dytë të zbatimit të projektit të titulluar “Mbështetje për kthimin e fëmijëve të pashoqëruar në Shqipëri” nëpërmjet ofrimit të shërbimeve të përkujdesit të përkohshëm (qendra pritjeje) deri në marrjen e një vendimi përfundimtar nga autoritetet shtetërore (gjatë kohës gjurmohen anëtarët e familjes së tyre). Ky projekt zbatohet në partneritet të ngushtë me Agjencinë Shtetërore për Mbrojtjen e të Drejtave të Fëmijëve. Projekti financohet nga Shërbimi i Riatdhesimit dhe Largimit (R&DS) i Ministrisë së Drejtësisë dhe Sigurisë së Holandës

Ky projekt do të rrisë bashkëpunimin ndërsektorial dhe koordinimin e punës ndërmjet sistemit të mbrojtjes së fëmijëve dhe strukturave jopublike për fëmijët shqiptarë të pashoqëruar, pas kthimit në Shqipëri. Në kuadër të këtij projekti SOS Albania do t’i përgjigjet nevojave të vendit dhe do të fitojë përvojë në shërbimet e kujdesit alternativ kalimtar.